2 წუთი კითხვის
სამუშაო ვიზიტით არაბთა გაერთიანებულ საამიროებში მყოფი სომხეთის რესპუბლიკის პრემიერ-მინისტრი ნიკოლ ფაშინიანი აბუ დაბიში შეხვდა საამიროების პრეზიდენტს, შეიხ მუჰამედ ბინ ზაიედ ალ ნაჰიანს.
„არმენპრესის“ ინფორმაციით, ამის შესახებ ფეისბუკის საკუთარ გვერდზე დაწერა სომხეთის პრემიერ-მინისტრის პრესმდივანმა ნაზელი ბაღდასარიანმა․
შეხვედრაზე განიხილეს ორმხრივი თანამშრომლობის აქტუალური საკითხები. ყურადღება გამახვილდა ურთიერთნდობის მაღალ დონეზე და ორ ქვეყანას შორის ეკონომიკურ, საინვესტიციო და ჰუმანიტარულ სფეროებში თანამშრომლობის განვითარების ფართო შესაძლებლობებზე․
პრემიერ-მინისტრმა ფაშინიანმა ხაზგასმით აღნიშნა სომხეთსა და საამიროებს შორის მეგობრული ურთიერთობების გაღრმავებისა და შემდგომი განვითარებისთვის მნიშვნელობა, ასევე აღნიშნა, რომ ორმხრივ თანამშრომლობას დიდი პოტენციალი აქვს როგორც ეკონომიკურ, ისე საინვესტიციო და ჰუმანიტარულ მიმართულებებში.
საამიროების პრეზიდენტმა გულთბილად მიესალმა პრემიერ-მინისტრ ფაშინიანს და აღნიშნა, რომ საამიროები დიდ მნიშვნელობას ანიჭებენ პარტნიორულ ურთიერთობებს სომხეთთან და მზად არიან ერთობლივი ნაბიჯები გადადგან ურთიერთსასარგებლო ინიციატივების განხორციელებისკენ.
გარდა ამისა, შეხვედრაზე განიხილეს რეგიონული მნიშვნელობისა და ორმხრივი ინტერესის სხვა საკითხებიც.