ფაშინიანმა იმედი გამოთქვა, რომ ერდოღანთან დაგეგმილი შეხვედრა ახალი იმპულსი იქნება სომხეთ-თურქეთის ურთიერთობებისთვის

სომხეთის რესპუბლიკის პრემიერ-მინისტრის აპარატმა დეტალები გაავრცელა პრემიერ-მინისტრ ნიკოლ ფაშინიანისა და თურქეთის სომხური თემის წარმომადგენლების შეხვედრის შესახებ, რომელიც სტამბოლში გაიმართა.

„არმენპრესი“-ს ინფორმაციით, სომხეთის პრემიერის აპარატმა შეხვედრის შესახებ განცხადება გაავრცელა․

პრემიერ-მინისტრმა თავის სიტყვაში მნიშვნელოვანი უწოდა სამუშაო ვიზიტს თურქეთში და აღნიშნა, რომ ის რეალობად იქცა ბოლო პერიოდში თურქეთთან გააქტიურებული დიალოგის შედეგად. მან ხაზი გაუსვა თურქეთის პრეზიდენტ რეჯეფ თაიფ ერდოღანთან დაგეგმილი შეხვედრის მნიშვნელობას და იმედი გამოთქვა, რომ შეხვედრა ახალ იმპულსს მისცემს ორმხრივ ურთიერთობებს. ქვეყნის ხელმძღვანელის თქმით, ვიზიტის საფუძველში დევს სომხეთ-თურქეთის სახელმწიფოებრივი ურთიერთობები, ხოლო მიმდინარე პროცესი წარმოადგენს ურთიერთობების დამყარების დღის წესრიგს, რაც ორივე ქვეყნის ინტერესებშია.

ამასთან, პრემიერ-მინისტრმა ფაშინიანმა ხაზგასმით აღნიშნა თურქეთში სომხური თემის როლი სახელმწიფოებრივ ურთიერთობათა დამყარებისა და დიალოგის გაღრმავების პროცესში․

პრემიერ-მინისტრმა უპასუხა შეხვედრის მონაწილეთა კითხვებს, რომლებიც შეეხებოდა დღევანდელ ვიზიტს, სომხეთსა და აზერბაიჯანს შორის მშვიდობის დამყარებისკენ გადადგმულ ნაბიჯებს, რეგიონულ განვითარებებს, „ნამდვილი სომხეთი“ იდეას და სხვა საკითხებს.