ევროპის საბჭოს გენერალური მდივანი სომხეთის რესპუბლიკას ეწვევა

ევროპის საბჭოს გენერალური მდივანი, ალენ ბერსიენი, 11-12 ივნისს სომხეთის რესპუბლიკას ეწვევა.

„არმენპრესი“-ს ინფორმაციით, ამის შესახებ განცხადება გაავრცელა ევროპის საბჭომ․

აღნიშნულია, რომ ალენ ბერსიენი შეხვედრებს გამართავს სომხეთის პრეზიდენტ ვაჰაგნ ხაჩატურიანთან, პრემიერ-მინისტრ ნიკოლ ფაშინიანთან, ეროვნული ასამბლეის თავმჯდომარე ალენ სიმონიანთან და იუსტიციის მინისტრ სრბუჰი გალიანთან.

ვიზიტის ფარგლებში ევროპის საბჭოს გენერალური მდივანი საჯარო ლექციით წარდგება ერევნის სახელმწიფო უნივერსიტეტში და შეხვდება სტუდენტებს.

„ვიზიტი ტარდება სამხრეთ კავკასიისთვის კრიტიკულ პირობებში. გენერალური მდივანი კიდევ ერთხელ დაადასტურებს ევროპის საბჭოს მხარდაჭერას სომხეთსა და აზერბაიჯანს შორის მშვიდობის შეთანხმების რაც შეიძლება მალე ხელმოწერის მიმართ გზავნილი, რომელიც მან პირდაპირ გადასცა პრემიერ-მინისტრ ნიკოლ ფაშინიანს და პრეზიდენტ ილჰამ ალიევს მაისში ტირანაში გამართულ ევროპული პოლიტიკური თანამეგობრობის სამიტზე, სადაც მან განაცხადა: „მშვიდობის ირგვლივ დიალოგი სომხეთსა და აზერბაიჯანს შორის უკიდურესად მნიშვნელოვანია. ჩვენ ერთად უნდა ვიმუშაოთ, რათა რეგიონული უსაფრთხოების თვალსაზრისით საუკეთესო გამოსავალი მოვძებნოთ““, - აღნიშნულია განცხადებაში.

ასევე ხაზგასმულია, რომ არანაკლებ მნიშვნელოვანია ევროპის საბჭოს მხარდაჭერა სომხეთში მიმდინარე დემოკრატიული რეფორმებისადმი.

„სომხეთისთვის განკუთვნილი 2023-2026 წლების მოქმედების პროგრამით, რომლის წინასწარი ბიუჯეტი შეადგენს 19 მილიონ ევროს, და ახალი 2.8-მილიონიანი პაკეტით, ევროპის საბჭო ხელს უწყობს ინსტიტუტების გაძლიერებას, ადამიანის უფლებათა დაცვას და იმ საზოგადოებების გამძლეობის ამაღლებას, რომლებიც პასუხობენ ლტოლვილთა ნაკადებზე.

მაშინ როცა სომხეთი ემზადება ევროპული პოლიტიკური თანამეგობრობის მერვე სამიტის მასპინძლობისთვის 2026 წლის გაზაფხულზე, განხილვები ასევე შეეხება იმას, თუ როგორ შეუძლია ევროპის საბჭოს ხელი შეუწყოს რეგიონის როლის გაძლიერებას ევროპის დემოკრატიული უსაფრთხოების ფორმირებად არქიტექტურაში“, - აღნიშნულია განცხადებაში.