სომხეთმა მოაწერა ხელი ზღვის ბიომრავალფეროვნების დაცვის საკითხების რეგულირების შეთანხმებას

გაეროს ოკეანის საკითხებისადმი მიძღვნილი მესამე კონფერენციის ფარგლებში სომხეთის საგარეო საქმეთა მინისტრმა არარატ მირზოიანმა სომხეთის სახელით მოაწერა ხელი შეთანხმებას „გაეროს ზღვის სამართლის კონვენციის ფარგლებს გარეთ არსებული საზღვაო ბიოლოგიური მრავალფეროვნების დაცვისა და მდგრადი გამოყენების შესახებ“.

„არმენპრესი“-ს ინფორმაციით, ამის შესახებ განცხადება გაავრცელა სომხეთის რესპუბლიკის საგარეო საქმეთა სამინისტრომ.

აღინიშნება, რომ ეს არის პირველი საერთაშორისო შეთანხმება, რომელიც არეგულირებს ეროვნული იურისდიქციის ფარგლებს გარეთ ზღვის ბიომრავალფეროვნების დაცვის საკითხებს, როგორც მდგრადი განვითარების უზრუნველყოფის მნიშვნელოვან კომპონენტს.

იმავე დღეს შეთანხმებას ერთდროულად მოაწერა ხელი 18-მა ქვეყანამ, რის შედეგადაც ხელმომწერი ქვეყნების რაოდენობა 134-მდე გაიზარდა. შეთანხმება უკვე რატიფიცირებულია 50 სახელმწიფოს მიერ, მათგან 18-მა კი რატიფიკაციის სერტიფიკატები გადაუგზავნა დოკუმენტის შენახვისთვის შესაბამის მხარეს იმავე ცერემონიაზე, რომელიც კონფერენციის ფარგლებში გაიმართა.