1 წუთი კითხვის
კიპროსი მხარს უჭერს სომხეთისა და ევროკავშირის ურთიერთობების გაღრმავების პროცესს.
„არმენპრესის“ ინფორმაციით, ამის შესახებ სომხეთის ეროვნულ ასამბლეაში გამართულ პრესკონფერენციაზე კიპროსის წარმომადგენლობითი პალატის თავმჯდომარემ ანიტა დიმიტრიუმ განაცხადა.
„მივესალმებით და სრულ მხარდაჭერას ვუცხადებთ სომხეთსა და ევროკავშირს შორის ურთიერთობების გაღრმავებას, რადგან სომხეთი ეკუთვნის ევროკავშირს. მინდა კიდევ ერთხელ დავუდასტურო ჩემს მეგობარს, ეროვნული ასამბლეის თავმჯდომარე ალენ სიმონიანს, რომ ყოველმხრივ ვიქნებით მხარდამჭერები ამ პროცესისა და ინიციატივის. ჩვენ თქვენს გვერდით ვართ ევროპისკენ მიმავალ გზაზე“, – განაცხადა მან.