ვატიკანში ახალი პაპის არჩევისთვის კონკლავი დაიწყო

მთელი მსოფლიოდან 130-ზე მეტი კარდინალი შეკრებილია ვატიკანში და დღეს, 7 მაისს, დაიწყება ახალი რომის პაპის არჩევის პროცესი. როგორც „არმენპრესი“ იუწყება, ამის შესახებ BBC იტყობინება.

დილის მესის შემდეგ წმინდა პეტრეს ტაძარში, შუადღისას, კარდინალები შევლენ სიქსტის კაპელაში, რათა ხმა მისცენ მათ მიერ არჩეულ კანდიდატს. მას შემდეგ, რაც კარდინალები შევლენ კაპელაში, ისინი აღარ ექვემდებარებიან კომუნიკაციას გარე სამყაროსთან მანამ, სანამ ახალი პაპი არ აირჩევა.

შემდეგ ყველა დაელოდება სიქსტის კაპელას საკვამურიდან გამოსულ კვამლს. თუ კვამლი შავი იქნება, ეს ნიშნავს, რომ კენჭისყრა მეორე დღეს გაგრძელდება, ხოლო თეთრი კვამლი მიანიშნებს იმაზე, რომ კათოლიკურ ეკლესიას უკვე ჰყავს ახალი მწყემსმთავარი.

21 აპრილს რომის პაპ ფრანცისკეს გარდაცვალების შემდეგ კარდინალები აირჩევენ 267-ე პაპს.