1 წუთი კითხვის
სომხეთის რესპუბლიკის პრემიერ-მინისტრი ნიკოლ ფაშინიანი ოფიციალური ვიზიტით ესტონიას ეწვევა.
როგორც „არმენპრესი“ იუწყება, აღნიშნული ინფორმაცია გავრცელდა ესტონეთის მთავრობის ოფიციალურ ვებგვერდზე.
ფაშინიანი ესტონიაში 27-28 აპრილს იმყოფება. ვიზიტის ფარგლებში სომხეთის პრემიერ-მინისტრი შეხვედრებს გამართავს ესტონეთის პრემიერ-მინისტრ ქრისტენ მიხალთან, პრეზიდენტ ალარ კარისთან, პარლამენტის, რიიგიკოგუს თავმჯდომარე ლაური ჰუსართან და საგარეო საქმეთა მინისტრ მარგუს ცაჰკნასთან.
გავრცელებული ინფორმაციით, დაგეგმილია შეხვედრა ესტონეთში მცხოვრები სომხური დიასპორის წარმომადგენლებთანაც.
28 აპრილს დაგეგმილია ორ ქვეყნის პრემიერ-მინისტრების ერთობლივი პრესკონფერენცია. მას წინ უსწრებს ორმხრივი შეხვედრა, სადაც განიხილება თავდაცვის სფეროს საკითხები, ორმხრივი ურთიერთობების გაღრმავების შესაძლებლობები, ევროკავშირსა და სომხეთს შორის ურთიერთობები, ასევე საერთაშორისო ორგანიზაციებში თანამშრომლობის საკითხები.
