სომხეთის რესპუბლიკის ეროვნული უშიშროების საბჭოს მდივანი მონაწილეობდა დისკუსიაში თემაზე „მშვიდობის გზაჯვარედინი“

სომხეთის რესპუბლიკის უშიშროების საბჭოს მდივანი არმენ გრიგორიანი 16 აპრილს ბრიუსელში დაესწრო „Rasmussen Global“-ის მიერ ორგანიზებულ თემატურ განხილვას „მშვიდობის გზაჯვარედინი“, რომელსაც ესწრებოდნენ ევროკავშირის სტრუქტურებისა და წევრი სახელმწიფოების მაღალი თანამდებობის პირები და ექსპერტები.

როგორც „არმენპრესს“ აცნობეს სომხეთის უშიშროების საბჭოს აპარატიდან, დისკუსიის ცენტრში იყო ნაბიჯები, რომლებიც მიმართულია სამხრეთ კავკასიაში მშვიდობის დამყარებისკენ, ამ კონტექსტში უშიშროების საბჭოს მდივანმა წარმოადგინა სომხეთის მთავრობის მიერ განხორციელებული მუდმივი ძალისხმევა. განიხილეს სომხეთის მთავრობის ინიცირებული პროექტი „მშვიდობის გზაჯვარედინი“ და ხაზგასმით აღინიშნა მისი მნიშვნელობა როგორც ევროპისა და აზიის დამაკავშირებელი სტრატეგიული კვანძი.

„მშვიდობის გზაჯვარედინი“ პროექტის ტექნიკურ უპირატესობებზე მოხსენებით გამოვიდა ტერიტორიული ადმინისტრირების და ინფრასტრუქტურის მინისტრის მოადგილე ქრისტინე ღალეჩიანი.

არმენ გრიგორიანმა კითხვა-პასუხის ფორმატში უპასუხა მონაწილეების შეკითხვებს, განსაკუთრებით კი სომხეთის რეგიონული და საერთაშორისო პოლიტიკის შესახებ.