ერევანი უარყოფს ბაქოს მორიგ ბრალდებებს სომხეთის შეიარაღებული ძალების მხრიდან აზერბაიჯანის პოზიციების მიმართულებით ცეცხლის გახსნის შესახებ

სომხეთის რესპუბლიკის თავდაცვის სამინისტრო უარყოფს აზერბაიჯანის თავდაცვის სამინისტროს მიერ გავრცელებულ განცხადებას, თითქოსდა 8 აპრილს, 19:20-დან 22:30 საათამდე, სომხეთის შეიარაღებული ძალების ქვედანაყოფებმა ცეცხლი გახსნეს საზღვრის სამხრეთ-აღმოსავლეთ მონაკვეთზე განთავსებული აზერბაიჯანული პოზიციების მიმართულებით.

„არმენპრესის“ ინფორმაციით, ამის შესახებ განცხადება გაავრცელა სომხეთის თავდაცვის სამინისტრომ.

„აზერბაიჯანის თავდაცვის სამინისტროს განცხადება იმის შესახებ, თითქოსდა 8 აპრილს, 19:20-დან 22:30 საათამდე, სომხეთის შეიარაღებული ძალების ქვედანაყოფებმა ცეცხლი გახსნეს საზღვრის სამხრეთ-აღმოსავლეთ მონაკვეთზე განთავსებული აზერბაიჯანული პოზიციების მიმართულებით, არ შეესაბამება სინამდვილეს.

გახსენებთ, რომ სომხეთის რესპუბლიკის პრემიერ-მინისტრის აპარატმა გააკეთა წინადადება შეიქმნას სომხეთ-აზერბაიჯანს შორის ერთობლივი მექანიზმი ცეცხლის შეწყვეტის რეჟიმის დარღვევის შემთხვევებისა და/ან მათთან დაკავშირებული ინფორმაციის გამოძიებისთვის, რაზეც აზერბაიჯანს ჯერჯერობით არ მიუცია პასუხი.

სომხეთის რესპუბლიკის თავდაცვის სამინისტრო ადასტურებს, რომ პრემიერ-მინისტრის აპარატის პოზიციის შესაბამისად, მზად არის შეისწავლოს აზერბაიჯანის თავდაცვის სამინისტროს განცხადებაში მოყვანილი ფაქტები, იმ შემთხვევაში, თუ ისინი გადაეცემა სომხეთს“, - აღნიშნულია განცხადებაში.