დიდია ალბათობა, რომ სომხეთის პარლამენტი ევროკავშირში გაწევრიანების პროცესის დაწყების კანონპროექტს მიიღებს: ფაშინიანი
1 წუთი კითხვის
სომხეთის პრემიერ-მინისტრი ნიკოლ ფაშინიანი დიდ ალბათობად მიიჩნევს, რომ სომხეთის პარლამენტი მიიღებს ევროკავშირში გაწევრიანების პროცესის დაწყების კანონპროექტს, რომელსაც ადრე სომხეთის მთავრობამ მხარი დაუჭირა.
როგორც „არმენპრესი“ იტყობინება, ამის შესახებ ფაშინიანმა დავოსის მსოფლიო ეკონომიკური ფორუმის ფარგლებში გამართულ პანელურ განხილვაზე განაცხადა.
„ფაქტობრივად, არსებობდა სამოქალაქო საზოგადოების ინიციატივა, მათ წარმოადგინეს კანონპროექტი ევროკავშირში გაწევრიანების პროცესის დაწყების შესახებ. ჩვენს მთავრობას ეს დამტკიცებული აქვს და დიდია ალბათობა, რომ პარლამენტი მიიღებს ამ პროექტს, რაც ნიშნავს, რომ ჩვენ ვიწყებთ პროცესს, რომელიც კიდევ უფრო გვაახლოვებს ევროკავშირთან. რატომ გვსურს ევროკავშირთან უფრო და უფრო მიახლოება? იმიტომ, რომ ჩვენ დემოკრატია ვართ. თუ დემოკრატია ხარ, გსურს დემოკრატიას მიუახლოვდე, რადგან საწინააღმდეგო აბსურდული იქნებოდა“, – განაცხადა ნიკოლ ფაშინიანმა.
2024 წლის 9 იანვარს სომხეთის მთავრობამ დაამტკიცა კანონპროექტი „სომხეთის რესპუბლიკის ევროკავშირში გაწევრიანების პროცესის დაწყების შესახებ.“ პროექტი მალე განიხილება სომხეთის პარლამენტში.