სომხეთი მზად არის რეგიონული სატრანსპორტო კომუნიკაციების განბლოკვისთვის: არარატ მირზოიანი
1 წუთი კითხვის
სომხეთის საგარეო საქმეთა მინისტრმა არარატ მირზოიანმა კიდევ ერთხელ დაადასტურა სომხეთის მზადყოფნა, განბლოკოს სატრანსპორტო კომუნიკაციები სამხრეთ კავკასიაში.
„არმენპრესის“ ინფორმაციით, ამის შესახებ სომხეთის რესპუბლიკის საგარეო საქმეთა მინისტრმა არარატ მირზოიანმა რუსეთის საგარეო საქმეთა მინისტრ სერგეი ლავროვთან მოსკოვში მიმდინარე მოლაპარაკებებისას განაცხადა.
„სამხრეთ კავკასიის ეკონომიკური მიმზიდველობის ამაღლების საკითხში სომხეთის მტკიცე განზრახვის კონტექსტში, მოხარული ვარ, დავადასტურო სომხეთის ხედვა განბლოკოს ყველა ეკონომიკური და სატრანსპორტო კომუნიკაცია, რომელთა განხორციელებაც იგეგმება „მშვიდობის გზაჯვარედინი“ პროექტის ფარგლებში“, – აღნიშნა მირზოიანმა.