ნიკოლ ფაშინიანმა სომხეთის ყოფილი პრეზიდენტებს მთიანი ყარაბაღის კონფლიქტის თემაზე დებატები შესთავაზა
2 წუთი კითხვის
ერევანი, 23 დეკემბერი, არმენპრესი. სომხეთის რესპუბლიკის პრემიერ-მინისტრმა ნიკოლ ფაშინიანმა სომხეთის ყოფილი პრეზიდენტებისთვის მთიანი ყარაბაღის კონფლიქტის თემაზე დებატების შეთავაზება გააკეთა.
„არმენპრესის“ ცნობით, ამის შესახებ ფაშინიანმა სოციალურ ქსელ „ფეისბუქზე“ დაწერა:
„კარგია, რომ ყოფილი პრეზიდენტები მათი წარმომადგენლების მეშვეობით გამოეხმაურნენ ჩემი დღევანდელი პოსტის შინაარსს, რომელიც მთიანი ყარაბაღის მოლაპარაკებების პროცესს ეხება. მაგრამ მე წარმომადგენლების უკან არ ვიმალები, ვფიქრობ, სწორი იქნება, თუ ისინი თვითონაც არ დაიმალებიან.
მზად ვარ, ყოფილი პრეზიდენტების მონაწილეობით პირდაპირ ეთერში დებატების ფორმატში გავამყარო ჩემი პოზიცია. ველოდები ჩემი დღევანდელი განცხადების საკამათო შეფასებებზე მათი პირადი რეაქციების გამოხატვას“, - დაწერა ფაშინიანმა.
პრემიერ-მინისტრმა ნიკოლ ფაშინიანმა ცოტა ხნით ადრე „ფეისბუქის“ გვერდზე აღნიშნა, რომ მთიანი ყარაბაღის კონფლიქტის მოლაპარაკებების პროცესი დასაწყისიდანვე გულისხმობდა მთიანი ყარაბაღის აზერბაიჯანის შემადგენლობაში დაბრუნებას. ამ განცხადების შემდეგ სომხეთის ყოფილი პრეზიდენტების სხვადასხვა გუნდის წევრებმა პრემიერ-მინისტრი გააკრიტიკეს და მისი განცხადებები უარყვეს.
