ემიგრაციის ძირითადი მიზეზი რეგიონში კონფლიქტური გარემოსთან არის დაკავშირებული: პრემიერ-მინისტრი

ერევანი, 3 დეკემბერი, არმენპრესი․ სომხეთში ემიგრაციის საკითხი 1990-იანი წლებიდან განიხილება, რომლის მიზეზები ხშირად სოციალური, ეკონომიკური და სამართლებრივი პრობლემებით აიხსნება, თუმცა ეს ფაქტორები ემიგრაციის რეალური მიზეზების მხოლოდ მცირე ნაწილს წარმოადგენს. „არმენპრესის“ ინფორმაციით, ამის შესახებ პრემიერ-მინისტრმა ნიკოლ ფაშინიანმა განაცხადა 2025 წლის სახელმწიფო ბიუჯეტის განხილვისას ეროვნულ ასამბლეაში․

პრემიერ-მინისტრის თქმით, ემიგრაციის ძირითადი მიზეზები რეგიონულ კონფლიქტურ ურთიერთობებსა და მათ შედეგებში უნდა ვეძიოთ.

„ამ დრომდე ჩვენ მიერ დასახელებული მიზეზები, რომლებიც მართალია და მიღებულია, ემიგრაციის მიზეზების მხოლოდ 10-20 პროცენტს მოიცავს. მოდით ვაღიაროთ, რომ ემიგრაციის მიზეზების 90 პროცენტი ჩვენს რეგიონულ პოლიტიკასთან არის დაკავშირებული. ემიგრაციის პირველი ათიდან მეთერთმეტე მიზეზი არის ჩვენი კონფლიქტური ურთიერთობები ჩვენს გარემოსთან“, - აღნიშნა ნიკოლ ფაშინიანმა.

პრემიერ-მინისტრმა ხაზი გაუსვა, რომ სოციალური სირთულეები, სამართლიანობის ნაკლებობა და ეკონომიკური პრობლემებიც კონფლიქტურ გარემოსთან არის დაკავშირებული, რაც წლების განმავლობაში საზოგადოებრივ დისკურსში არ განხილულა.

„დიახ, მეთორმეტე მიზეზი შეიძლება იყოს სოციალური სირთულე, მაგრამ მოდით ვთქვათ, რომ ამ სოციალური სირთულეების უმეტესობა კონფლიქტურ გარემოსთან არის დაკავშირებული. მეცამეტე მიზეზი შეიძლება იყოს სამართლიანობის ნაკლებობა, მაგრამ ეს სამართლიანობის ნაკლებობაც, ზოგ ადგილებში და გარკვეული დოზით, კონფლიქტურ გარემოსთან არის დაკავშირებული. ჩვენ არ გვისაუბრია იმ ადამიანების საზოგადოებრივ და შიდა ქცევებზე, რომლებმაც კონფლიქტურ გარემოში დიდი პასუხისმგებლობა იკისრეს. ჩვენ ამის შესახებ არ გვისაუბრია. უნდა ვაღიაროთ, რომ ამ ვითარების გამო რამდენმა სომხეთის მოქალაქემ დატოვა ქვეყანა და წავიდა“, - განაცხადა ფაშინიანმა.