ბორელი ევროკავშირის დიპლომატიის ხელმძღვანელის თანამდებობას ამთავრებს

ერევანი, 28 ნოემბერი, არმენპრესი․ ევროკავშირის საგარეო პოლიტიკისა და უსაფრთხოების საკითხებში უმაღლესმა წარმომადგენელმა ჟოზეპ ბორელმა განაცხადა, რომ 29 ნოემბერს დაასრულებს მუშაობას ევროკავშირის დიპლომატიის ხელმძღვანელის თანამდებობაზე. მისი თქმით, საქმიანობას ესტონეთის ყოფილ პრემიერ-მინისტრ კაია კალასს გადასცემს, რომელიც შეცვლის მას. „არმენპრესის“ ცნობით, ამის შესახებ ბორელმა განაცხადა ბრიუსელში ახლო აღმოსავლეთის საკითხებზე გამართული კონფერენციის დაწყებამდე.

„არ მინდოდა ბრუსელში მუშაობის დასრულება ამ შეხვედრის გამართვის გარეშე. ეს ფაქტობრივად ჩემი ბოლო ღონისძიება იქნება ბრიუსელში. ხვალ მე ვასრულებ ჩემს მისიას“, – ციტირებს ბორელის სიტყვებს „რია ნოვოსტი“.

27 ნოემბერს ევროპარლამენტმა დაამტკიცა ახალი ევროპული კომისიის შემადგენლობა ურსულა ფონ დერ ლაიენის ხელმძღვანელობით. ევროკავშირის დიპლომატიის ხელმძღვანელის თანამდებობაზე კაია კალასი დაამტკიცეს.

კალასმა თავის პრიორიტეტებად დაასახელა უკრაინის მხარდაჭერა და რუსეთისა და ჩინეთის წინააღმდეგ მიმართული ზომების გატარება.