ნიკოლ ფაშინიანი ნოემბრის 9-ის სამმხრივი დოკუმენტის ხელმოწერას სწორ ნაბიჯად მიიჩნევს

ერევანი, 14 ნოემბერი, არმენპრესი. სომხეთის პრემიერ-მინისტრმა ნიკოლ ფაშინიანმა გაამახვილა ყურადღება 2020 წლის 9 ნოემბრის სამმხრივი დოკუმენტის ხელმოწერაზე, რომელიც სომხეთის პრემიერ-მინისტრმა, რუსეთისა და აზერბაიჯანის პრეზიდენტებმა მოაწერეს ხელი, რის შედეგადაც მთიან ყარაბაღში ცეცხლის შეწყვეტა დამყარდა.

„არმენპრესის“ ცნობით, ამის შესახებ პრემიერ-მინისტრმა ეროვნული ასამბლეაში 2025 წლის სახელმწიფო ბიუჯეტის პროექტის განხილვაზე დასკვნით სიტყვით გამოსვლისას ისაუბრა.

„2020 წლის 9 ნოემბერს ჩემი კაბინეტში ბევრი პარტნიორი იმყოფებოდა, მე ვთქვი, რომ ამ მომენტში არ მაინტერესებს არცერთი მოსაზრება, მე ვიღებ პასუხისმგებლობას და ამ დოკუმენტს მოვაწერ ხელს. და მიმაჩნია, რომ სწორად მოვიქეცი. რატომ მივიღე ეს გადაწყვეტილება, ეს სხვა საკითხია“.

მან ხაზგასმით აღნიშნა, რომ არის მომენტები, როდესაც პასუხისმგებლობა უნდა აიღო.

2020 წლის 9 ნოემბრის დოკუმენტი ხელმოწერილი იყო სომხეთის პრემიერ-მინისტრის, აზერბაიჯანისა და რუსეთის პრეზიდენტების მიერ. დოკუმენტმა შეწყვიტა აზერბაიჯანის მიერ მთიანი ყარაბაღის წინააღმდეგ გაჩაღებული 44-დღიანი ომი.