ერევანი უარყოფს ბაქოს ბრალდებებს აზერბაიჯანული პოზიციების მიმართულებით სროლის შესახებ

ერევანი, 12 სექტემბერი, არმენპრესი. სომხეთის რესპუბლიკის თავდაცვის სამინისტრომ უარყო აზერბაიჯანის თავდაცვის უწყების ბრალდებები, თითქოს სომხეთის შეიარაღებულმა ძალებმა აზერბაიჯანული პოზიციების მიმართულებით ცეცხლი გაუხსნეს.

„არმენპრესის“ ცნობით, სომხეთის თავდაცვის სამინისტროს მიერ გავრცელებულ განცხადებაში აღნიშნულია:

„აზერბაიჯანის თავდაცვის სამინისტროს განცხადება, თითქოს 12 სექტემბერს, 00:15-01:05 საათების ინტერვალში, სომხეთის შეიარაღებული ძალების ქვედანაყოფებმა ცეცხლი გახსნეს საზღვრის სამხრეთ-დასავლეთ ნაწილში განლაგებული აზერბაიჯანული პოზიციების მიმართულებით, სიმართლეს არ შეესაბამება.

გავიხსენოთ, რომ სომხეთის პრემიერ-მინისტრის აპარატმა შემოგვთავაზა შეიქმნას სომხეთ-აზერბაიჯანის ერთობლივი მექანიზმი ცეცხლის შეწყვეტის რეჟიმის დარღვევისა და/ან ამგვარი ინფორმაციის გამოძიებისთვის, რაზეც აზერბაიჯანმა დღემდე არ უპასუხა“.