ნიკოლ ფაშინიანმა და სამანტა პაუერმა სომხეთ-აზერბაიჯანის სამშვიდობო პროცესზე ისაუბრეს

ერევანი, 10 ივლისი, არმენპრესი. სომხეთის რესპუბლიკის პრემიერ-მინისტრმა ნიკოლ ფაშინიანმა აშშ-ის საერთაშორისო განვითარების სააგენტოს (USAID) ხელმძღვანელი სამანტა პაუერის ხელმძღვანელობით დელეგაცია მიიღო.

როგორც „არმენპრესი“ პრემიერ-მინისტრის აპარატის მიერ გავრცელებულ გზავნილიდან ირკვევა, ნიკოლ ფაშინიანი მიესალმა ქალბატონი პაუერის ვიზიტს და ხაზი გაუსვა სომხეთ-აშშ სტრატეგიული დიალოგის ფარგლებში სხვადასხვა სფეროში თანამშრომლობის მნიშვნელობას.

სომხეთის რესპუბლიკის პრემიერ-მინისტრმა მაღალი შეფასება მისცა სომხეთში USAID-ის მიერ განხორციელებულ პროგრამებს, რომლებიც მიზნად ისახავს დემოკრატიული ინსტიტუტების განვითარებას. მან აღნიშნა, რომ სომხეთის მთავრობა მტკიცედ გააგრძელებს თანმიმდევრულ ნაბიჯებს რეფორმების მიმართულებით.

სამანტ პაუერმა აღნიშნა, რომ აშშ-ს ადმინისტრაცია აფასებს სომხეთთან მჭიდრო თანამშრომლობას და მზადაა თანმიმდევრულად გაუწიოს მხარდაჭერა სომხეთის მთავრობის გეგმებს დემოკრატიის განმტკიცების, განვითარებისა და სომხეთის მდგრადობის გაზრდის მიზნით.

თანამოსაუბრეებმა ისაუბრეს USAID-ის მიერ სომხეთში განხორციელებულ პროგრამებზე და გაცვალეს აზრები ახალი ერთობლივი პროგრამების პერსპექტივაზე. ხაზი გაესვა სომხეთის მთავრობის რეფორმების დღის წესრიგისა და ინსტიტუციური შესაძლებლობების განვითარების, მათ შორის სტრატეგიული კომუნიკაციის, შემდგომი გაფართოებისა და ურთიერთქმედების ხელშეწყობის მიმართულებით განხორციელებულ ერთობლივ მუშაობას. აღინიშნა, რომ USAID გამოყოფს 5 მილიონი აშშ დოლარის ახალ დაფინანსებას Amazon Web Service-სა და მთავრობას შორის თანამშრომლობის მხარდასაჭერად სომხეთში ღრუბლოვანი ინფრასტრუქტურის დანერგვისა და შესაძლებლობების განვითარების მიზნით.

საუბარი შეეხო მთიანი ყარაბაღიდან იძულებით დევნილთა ჰუმანიტარულ პრობლემებს, მათ გადასაჭრელად სომხეთის მთავრობის მიერ გადადგმულ ნაბიჯებს, მათ შორის საბინაო უზრუნველყოფის პროგრამას. ამ კონტექსტში, პრემიერ-მინისტრმა ფაშინიანმა ხაზი გაუსვა საერთაშორისო თანამეგობრობის მუდმივი მხარდაჭერისა და 5 აპრილს ბრიუსელში გამართულ სომხეთ-ევროკავშირ-აშშ-ის მაღალი დონის შეხვედრაზე მიღწეული შეთანხმებების შესრულებას.

საუბარი ასევე შეეხო სომხეთ-აზერბაიჯანის სამშვიდობო პროცესს, ასევე სომხეთის მთავრობის პროექტს „მშვიდობის გზაჯვარედინი“ დაკავშირებულ საკითხებს.