1 წუთი კითხვის
ერევანი, 28 ივნისი, არმენპრეს. სომხეთის 18-წლამდელთა ნაკრებმა ევროპის გუნდური ჩემპიონატის ვიცე-ჩემპიონის ტიტული მოიპოვა.
„არმენპრესის“ ცნობით, სომხეთის წარმოადგენდნენ ემინ ოჰანიანი, არსენ დავთიანი, რობერტ ფილიიპოსიანი, ერიკ გასპარიანი და ბენიკ აგასაროვი.
ბოლო ტურში მოჭადრაკეებმა 3:1 ანგარიშით აჯობეს ავსტრიის გუნდს. ევროპის 18 წლამდე ჩემპიონატში სომხეთის წარმომადგენლებმა მოიპოვეს 5 გამარჯვება, 1 ფრე და 1 მარცხი.
პირველ ტურში სომხეთის ნაკრებმა 3,5-0,5 ანგარიშით აჯობა ისრაელის ქალაქ რამათ განის გუნდს, მეორე ტურში 2-2 ფრე ითამაშა სლოვენიასთან, მესამე ტურში 3-1 ანგარიშით აჯობა თურქეთის გუნდს, მეოთხე ტურში 2,5-1,5 ანგარიშით აჯობა ისრაელის მთავარ გუნდს, მეხუთე ტურში 1-3 წააგო პოლონეთთან, ხოლო მეექვსე ტურში 2,5-1,5 ანგარიშით აჯობა გერმანიას.
ჩემპიონატის გამარჯვებული გახდა ისრაელის გუნდი, რომელმაც ჩემპიონატში ერთადერთი მარცხი სომხეთის წარმომადგენლებთან განიცადა.