სომხეთი არ ესწრება ალმათიში დაწყებულ კუხო-ს თავდაცვის მინისტრების საბჭოს სხდომას

ერევანი, 31 მაისი, არმენპრესი. სომხეთის რესპუბლიკა არ ესწრება ალმათაში დაწყებულ კოლექტიური უსაფრთხოების ხელშეკრულების ორგანიზაციის (კუხო) თავდაცვის მინისტრების საბჭოს სხდომას.

როგორც„არმენპრესი“ იუწყება, ეს ინფორმაცია რია ნოვოსტიმ გაავრცელა, კუხო-ს სამდივნოს ინფორმაციისა და საზოგადოებასთან ურთიერთობის სამსახურის უფროსის იური შუვალოვის სიტყვებზე დაყრდნობით.

„ალმათაში იწყება კუხო-ს წევრი ქვეყნების თავდაცვის მინისტრების შეხვედრა, რომელსაც სომხეთის წარმომადგენელი არ ესწრება, მაგრამ სომხეთი არ არის წინააღმდეგი, რომ გადაწყვეტილებები მიიღონ შეზღუდულ ფორმატში,“ - განაცხადა შუვალოვმა.

შეხვედრა კუხო-ში ყაზახეთის თავმჯდომარეობის ფარგლებში იმართება. როგორც ცნობილია, მონაწილეები განიხილავენ კუხო-ს კოლექტიური უსაფრთხოების რეგიონებში სამხედრო უსაფრთხოების გამოწვევებსა და საფრთხეებს, ასევე ორგანიზაციის სამხედრო კომპონენტის განვითარებასთან დაკავშირებულ საკითხებს.