ლორისა და ტავუშში წყალდიდობის შედეგად 17 ხიდი ჩამოინგრა

ერევანი, 27 მაისი, არმენპრესი. ლორისა და ტავუშში წყალდიდობის შედეგად 17 ხიდი ჩამოინგრა, აქედან 5 დიდი ხიდია.

„არმენპრესის“ ცნობით, ამის შესახებ ჟურნალისტებთან საუბარში განაცხადა სომხეთის რესპუბლიკსი ტერიტორიული მართვისა და ინფრასტრუქტურის მინისტრმა გნელ სანოსიანმა.

„საერთო ჯამში, 17 ხიდი ჩამოინგრა. მათგან ზოგი პატარა ხიდია, რომლებიც კომუნალურ დანიშნულებას ემსახურებიან, მაგრამ ასევე ჩამოინგრა 5 დიდი ხიდი, და მათი აღდგენა დიდ ძალისხმევას და დროს მოითხოვს. ამ ხიდების ჩამონგრევის შედეგად წარმოიშვა სერიოზული პრობლემა დასახლებებთან კომუნიკაციის მხრივ. თუ პატარა თემების შემთხვევაში გადაწყვეტები ნაპოვნია და ამ თემებში კომუნიკაციის პრობლემა არ არსებობს, დიდი ხიდების ჩამონგრევის შემთხვევაში კომუნიკაციის პრობლემა წარმოიშვა,“ - განაცხადა სანოსიანმა.