1 წუთი კითხვის
ერევანი, 12 აპრილი, არმენპრესი. 12 აპრილს სომხეთის უშიშროების საბჭოს მდივანი არმენ გრიგორიანი ვილნიუსში ლიტვის საგარეო საქმეთა მინისტრს გაბრიელიუს ლადსბერგისს შეხვდა.
როგორც „არმენპრესსი“ იუწყება, ამის შესახებ არმენ გრიგორიანმა „ფეისბუქში“, საკუთარ გვერდზე დაწერა.
„დაწვრილებით წარმოვადგინე სომხეთის რესპუბლიკის საგარეო პოლიტიკის სხვადასხვა მიმართულებები და მიმდინარე პრიორიტეტები. ვისაუბრე სამხრეთ კავკასიაში უსაფრთხოების ვითარებაზე, არსებულ გამოწვევებზე და სომხური მხარის ძალისხმევაზე მათ დასაძლევად.
შეხვედრაზე განვიხილეთ 5 აპრილის სომხეთ-აშშ-ევროკავშირის შეხვედრის შედეგები, რომლის ფარგლებშიც საგარეო საქმეთა მინისტრმა გამოთქვა ლიტვის მზადყოფნა მხარი დაუჭიროს სომხეთ-აშშ-ევროკავშირის დღის წესრიგის საკითხების წინსვლაში.
ჩვენ ასევე განვიხილეთ სომხეთსა და ლიტვას შორის ურთიერთობები და აღვნიშნეთ ორმხრივი თანამშრომლობის გაფართოების აუცილებლობა“, - დაწერა გრიგორიანმა.