თურქეთს სურს სომხეთთან ურთიერთობების სრულად დარეგულირება: სერდარ ქილიჩი

ერევანი, 1 მარტი, არმენპრესი. თურქეთს სურს სომხეთთან ურთიერთობების სრულად დარეგულირება. „არმენპრესის“ ცნობით, ამის შესახებ სომხეთ-თურქეთის ურთიერთობების ნორმალიზების პროცესში თურქული მხარის სპეციალურმა წარმომადგენელმა სერდარ კილიჩმა ანტალიის დიპლომატიური ფორუმის ფარგლებში გამართულ პანელზე განაცხადა.

„თურქეთს სურს სომხეთთან ურთიერთობების სრულად დარეგულირება. არის რაღაც ნაბიჯები, რაც უნდა გავითვალისწინოთ, მაგრამ პირველ რიგში უნდა გვქონდეს შეხვედრები“, - განაცხადა ქილიჩმა.

მან აღნიშნა, რომ მოსკოვში მიღწეული იქნა შეთანხმება, რომ ურთიერთობების ნორმალიზების მიმდინარე პროცესში არანაირი წინაპირობა არ უნდა არსებობდეს.

ქილიჩმა სომხური მხარე დაადანაშაულა იმაში, რომ მხარს უჭერს საზღვრის გახსნას მესამე ქვეყნის მოქალაქეებისთვის და დიპლომატიური ოფიციალური პირებისთვის, როგორც მომავალი შეხვედრების წინაპირობა.

საპასუხოდ ქილიჩის განცხადებაზე, რომ სომხეთი შეხვედრებისთვის წინაპირობებს აყენებს, სომხეთის სპეციალურმა წარმომადგენელმა რუბენ რუბინიანმა განაცხადა, რომ შესაძლოა გარკვეული გაუგებრობა იყოს, რადგან სომხეთს შეხვედრებისთვის წინაპირობები არ დაუყენებია. „მე და სერდარი ბოლოს თეირანში შევხვდით. უკვე ორჯერ ვიყავი თურქეთში და შევხვდი. შესაბამისად, არანაირი წინაპირობა არ არსებობს და, რა თქმა უნდა, მოგვიანებით განვიხილავთ, სად შეიძლება შევხვდეთ“, - განაცხადა რუბინიანმა.