სომხეთის მუდმივი მოსახლეობა 53,4 ათასი ადამიანით გაიზარდა

ერევანი, 7 თებერვალი, არმენპრესი. 2024 წლის 1 იანვრის მონაცემებით, სომხეთის მუდმივი მოსახლეობა 2 მილიონ 990,9 ათასი ადამიანია. გასული წლის ანალოგიურ პერიოდთან შედარებით მუდმივი მოსახლეობის რაოდენობა 53,4 ათასით გაიზარდა.

როგორც „არმენპრესი“ სტატისტიკური კომიტეტის მონაცემებზე დაყრდნობით იუწყება, 2023 წლის იანვარ-დეკემბერში სომხეთის მოსახლეობის ცვლილების ძირითადი კომპონენტი მიგრაციის ბალანსი იყო. წინასწარი მონაცემებით, 2024 წლის 1 იანვრის ჩათვლით სომხეთის მოსახლეობის სახელმწიფო რეესტრში მთიანი ყარაბაღიდან 41,4 ათასი იძულებით გადაადგილებული პირი იყო რეგისტრირებული. იმავდროულად, მოსახლეობის ბუნებრივი ზრდა (სხვაობა დაბადებულთა და გარდაცვლილთა რაოდენობას შორის) 2023 წელს მხოლოდ 12 ათასი ადამიანი იყო.

2024 წლის 1 იანვრის მონაცემებით, ქვეყნის 71 თემის 49 ქალაქში ცხოვრობს 1 მილიონ 915,3 ადამიანი, 953 სოფელში 1 მილიონ 075,6 ადამიანი. ამასთან, დედაქალაქს 1 მილიონ 104,2 ათასი მოსახლე ჰყავს. საანგარიშო პერიოდში ერევნის მოსახლეობის ზრდამ 15,6 ათასი ადამიანი შეადგინა.