ინდოეთი სომხეთს გაუადვილებს ჩაბაჰარის პორტით სარგებლობას

ერევანი, 5 დეკემბერი, არმენპრესი. სომხეთში ინდოეთის ელჩმა ნილაქში საჰა სინჰამ განაცხადა, რომ ისინი ხელს შეუწყობენ ჩაბაჰარის პორტის სომხეთისთვის გამოყენებას. „არმენპრესის“ცნობით, ამის შესახებ სომხეთში ინდოეთის ელჩმა საექსპერტო კონფერენციაზე „ახალი რეგიონალური რეალობები და მშვიდობის გზაჯვარედინი“ განაცხადა, რომელშიც მონაწილეობდნენ სომხური, ირანული, ინდოელი, ქართული და თურქული ანალიტიკური ცენტრების ექსპერტები.

მან აღნიშნა, რომ ინდოეთის მთავრობამ, რომელიც აცნობიერებს რეგიონული კავშირის მნიშვნელობას, მიიღო საკვანძო გადაწყვეტილება ჩაბაჰარის პორტის განვითარებაში ინვესტირებაზე.

„ეს არ არის მხოლოდ სატრანზიტო სავაჭრო ცენტრი, ის ასევე ხელს უწყობს ჰუმანიტარული დახმარების გადაცემას. სომხეთი დაინტერესებულია ამ პორტით სარგებლობით. ცოტა ხნის წინ სომხეთის ტერიტორიული ადმინისტრაციისა და ინფრასტრუქტურის მინისტრმა და სომხეთის საგარეო საქმეთა მინისტრის მოადგილემ „გლობალ ინდოეთის“ სამიტში მონაწილეობა მიიღეს. ჩვენ გაუადვილებთ სომხეთს პორტის გამოყენებას გამოწვევების დასაძლევად, რადგან სომხეთს არ აქვს ზღვაზე გასასვლელი“,- აღნიშნა ელჩმა.