368.59
1 րոպեի ընթերցում
ՀՀ կրթության, գիտության, մշակույթի և սպորտի նախարարությունը 2025 թվականը հռչակել է անվտանգ և ապահով կրթության տարի: «Արմենպրես»-ի փոխանցմամբ՝ նախարարությունն այս մասին հոլովակ է հրապարակել:
«Սա նպատակ ունի ձևավորել կրթական միջավայր, որտեղ յուրաքանչյուր սովորող, ուսուցիչ և ծնող կարող է վստահ լինել իր ֆիզիկական և հոգեբանական անվտանգության մեջ»,-նշել են գերատեսչությունից:
Նախարարությունից ընդգծել են, որ ուսումնական տարվա ընթացքում հանրապետության դպրոցներում պարբերաբար անցկացվում են միջոցառումներ՝ նվիրված անվտանգության թեմային: Տարվա կարգախոսին համահունչ դպրոցներում իրականացվում են նաև նախագծային աշխատանքներ: Հանրակրթական ուսումնական հաստատություններին տրամադրվել է նաև դպրոցում երեխաների պաշտպանության և անվտանգության ուղեցույցը՝ կրթական միջավայրում այն կիրառելու նպատակով:
«Պաշտպանված ներկան և ապահով ապագան սկսվում են անվտանգ միջավայրից»,-եզրափակել են ԿԳՄՍ նախարարությունից: