Սպորտ

«Ուրարտու»-ն ՀՖՖ նախագահի ընտրություններում կաջակցի Արմեն Մելիքբեկյանին

1 րոպեի ընթերցում

«Ուրարտու»-ն ՀՖՖ նախագահի ընտրություններում կաջակցի Արմեն Մելիքբեկյանին

ԵՐԵՎԱՆ, 21 ԴԵԿՏԵՄԲԵՐԻ, ԱՐՄԵՆՊՐԵՍ: Երևանի «Ուրարտու» ֆուտբոլային ակումբը Հայաստանի ֆուտբոլի ֆեդերացիայի նախագահի ընտրություններում կաջակցի Արմեն Մելիքբեկյանին:

«Արմենպրես»-ի հաղորդմամբ՝ այս մասին հայտարարություն է տարածել ակումբի մամուլի ծառայությունը: «ՀՖՖ նախագահական ընտրություններում«Ուրարտու» ֆուտբոլային ակումբըսատարելու է իր իսկ առաջադրած թեկնածուԱրմեն Մելիքբեկյանին։ Հաշվի առնելով վերջին շրջանում առկա ակտիվությունները Հայաստանի ֆուտբոլի ֆեդերացիայի նոր նախագահի ընտրության շուրջ, «Ուրարտու» ֆուտբոլային ակումբը կոչ է անում քվեարկությանը մասնակից բոլոր անդամներին՝ որոշումներ կայացնելիս առաջնորդվել բացառապես ֆուտբոլային նկատառումներովև ընտրություն կատարելիս մտածել հայկական ֆուտբոլի ապագայի մասին, բացառելով անցյալի վերադարձը, որը իրատեսական է թվում Թովմաս Գրիգորյանի՝ ՀՖՖ նախագահի պաշտոնում ընտրվելու պարագայում։

Մենք լիահույս ենք, որ այս ընտրությունը կանցնի առանց ինտրիգների ու միտված կլինի հայկական ֆուտբոլի առաջընթացին»,-ասված է հաղորդագրությունում:

ՀՖՖ նախագահի ընտրությունները կայանան դեկտեմբերի 23-ին: Առաջադրված են 3 թեկնածու՝ Արմեն Մելիքբեկյանը, Թովմաս Գրիգորյանը և Խորեն Հովհաննիսյանը:

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2025 ARMENPRESS

Ստեղծվել է՝ MATEMAT-ում