1 րոպեի ընթերցում
ԵՐԵՎԱՆ, 18 ԴԵԿՏԵՄԲԵՐԻ, ԱՐՄԵՆՊՐԵՍ: Մարզերում զբոսաշրջության ոլորտի զարգացմանն ուղղված ծրագրերի իրականացման շրջանակներում Տարածքային զարգացման հիմնադրամի և Համաշխարհային բանկի ֆինանսավորմամբ ամբողջովին բարեկարգվում է Խոր Վիրապ վանական համալիրի տարածքը: «Արմենպրես»-ի փոխանցմամբ՝ այս մասին «Ֆեյսբուք»-ի իր էջում գրառում է կատարել Արարատի մարզպետ Գարիկ Սարգսյանը:
«Արդեն իսկ մեկնարկել են աստիճանների փոխարինման աշխատանքները:
Ծրագրով կիրականացվի նաև՝
հարակից հատվածի ասֆալտապատում,
ավտոկայանատեղիի և վաճառակետերի վերանորոգում,
հարակից տարածքի կանաչապատում,
լուսավորության ցանցի անցկացում»,- գրել է Սարգսյանը: