1 րոպեի ընթերցում
ԵՐԵՎԱՆ, 28 ՆՈՅԵՄԲԵՐԻ, ԱՐՄԵՆՊՐԵՍ։ Կառավարությունը ավելացրեց Հայաստանի Հանրապետության փրկարար ծառայողներին փրկարար ծառայության առանձնահատուկ պայմանների համար տրվող հավելումների չափերը։
Ինչպես տեղեկացնում է «Արմենպրես»-ը, նոյեմբերի 28-ի նիստում նախագիծը ներկայացրեց ՀՀ արտակարգ իրավիճակների նախարար Ֆելիքս Ցոլակյանը։
Նախարարն ասաց, որ Արտակարգ իրավիճակների նախարարությանը կհատկացվի 475 միլիոն 747 հազար դրամ։
«Սա աշխատավարձերի բարձրացման հետ կապված 3 ամսվա գումարն է, որ այս տարի դեռ չենք տվել»,- ասաց Ցոլակյանը։
ԱԻ նախարարը նշեց, որ ներկայումս փրկարարի միջին աշխատավարձը կազմում է մոտ 130 հազար դրամ, իսկ նախկինում այն 85-90 հազար դրամ էր։