Նախարարությունը պարզաբանում է ներկայացրել Աննա Վարդապետյանի՝ պաշտոնից ազատման վերաբերյալ
1 րոպեի ընթերցում
![Նախարարությունը պարզաբանում է ներկայացրել Աննա Վարդապետյանի՝ պաշտոնից ազատման վերաբերյալ](http://armenpress.am/resized/480/static/news/b/2019/11/994889.jpg)
ԵՐԵՎԱՆ, 12 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի Հանրապետության արդարադատության նախարարությունը պարզաբանում է ներկայացրել Աննա Վարդապետյանի՝ փոխնախարարի պաշտոնից ազատման կապակցությամբ: «Արմենպրես»-ը ներկայացնում է ՀՀ արդարադատության նախարարության պարզաբանումը.
«Արդարադատության նախարարությունը բարձր է գնահատում տիկին Աննա Վարդապետյանի պրոֆեսիոնալիզմն ու ներդրումը՝ հատկապես Դատաիրավական բարեփոխումների ռազմավարության մշակման աշխատանքներում: Խնդիրը բացառապես պայմանավորված է եղել կառուցվածքային հնարավոր փոփոխություններով, որոնք ուղղված են լինելու Նախարարության աշխատանքներն առավել արդյունավետ դարձնելուն»:
Աննա Վարդապետյանը նոյեմբերի 11-ին «Ֆեյսբուք»-ի իր էջի միջոցով տեղեկացրել է, որ դադարեցրել է աշխատանքը ՀՀ արդարադատության նախարարությունում: