Պատանի շախմատիստները մեկնարկել են Օլիմպիադայում

ԵՐԵՎԱՆ, 30 ՀՈԿՏԵՄԲԵՐԻ, ԱՐՄԵՆՊՐԵՍ: Թուրքիայում մեկնարկել է մինչև 16 տարեկանների շախմատի համաշխարհային Օլիմպիադան:

«Արմենպրես»-ի փոխանցմամբ` մրցաշարին մասնակցում է 48 թիմ: Մրցաշարում Հայաստանի պատանեկան հավաքականի կազմում հանդես են գալիս Մամիկոն Ղարիբյանը, Արմեն Բարսեղյանը, Տիգրան Սարգսյանը, Ալբերտ Գևորգյանը և Աստղիկ Գևորգյանը: Համաձայն մրցաշարի կանոնադրության թիմի աղջիկ մասնակիցը պարտադիր պետք է մասնակցի 3 մրցախաղի:

Մրցաշարի առաջին տուրում մեր թիմը անակնկալ պարտություն կրեց Մալայզիայի հավաքականից: Ալբերտ Գևորգյանը հաղթանակ տոնեց, Մամիկոն Ղարիբյանը ոչ-ոքի խաղաց, իսկ Տիգրան Սարգսյանը և Աստղիկ Հակոբյանը պարտվեցին:

Առաջին տուրում այլ անակնկալներ ևս գրանցվեցին. Ռուսաստանը 3-1 հաշվով պարտվեց Թուրքմենստանին, Հունաստանը ոչ-ոքի խաղաց Սլովենիայի հետ, իսկ Սերբիան պարտվեց Թուրքիայի 3-րդ թիմին: