368.59
Պատանի շախմատիստներին պետք է հնարավորություն տրվի իրենց ուժերը փորձել ԵԱ-ում. Վլադիմիր Հակոբյան
1 րոպեի ընթերցում
ԵՐԵՎԱՆ, 28 ՀՈԿՏԵՄԲԵՐԻ, ԱՐՄԵՆՊՐԵՍ: Պատանի շախմատիստների մարզիչ, միջազգային գրոսմայստեր, եռակի Օլիմպիական չեմպիոն Վլադիմիր Հակոբյանի կարծիքով՝ պատանի շախմատիստներին պետք է հնարավորություն տրվի ավելի վաղ տարիքում մասնակցելու Եվրոպայի թիմային առաջնությանը:
«Ինձ համար միշտ էլ հաճելի է աշխատել տաղանդավոր պատանի շախմատիստների հետ: Շանթ Սարգսյանը, Արամ Հակոբյանը և Արթուր Դավթյանը շատ լավ դրսևորեցին իրենց աշխարհի պատանեկան առաջնություններում և շախմատային լեզվով ասած գրանցեցին +6 արդյունք: Այս արդյունքը պատանեկան առաջնությունում վկայում է այն մասին, որ Հայաստանում ունենք լավ շախմատային դպրոց: Նրանք ապագայում արժանիորեն կներկայացնեն մեր երկիրը»,-«Արմենպրես»-ի մամուլի սրահում լրագրողների հետ հանդիպման ժամանակ ասաց մարզիչը:
Հակոբյանի խոսքով` Եվրոպայի թիմային առաջնությունում պետք է հնարավորություն տրվի պատանի շախմատիստների փորձ հավաքելու և հետագայում առավել պատրաստ ներկայացնելու աշխարհի թիմային առաջնությունում և Օլիմպիադայում:
Բաժանորդագրվեք մեր ալիքին Telegram-ում