1 րոպեի ընթերցում
ՍՏԵՓԱՆԱԿԵՐՏ, 27 ՍԵՊՏԵՄԲԵՐԻ, ԱՐՄԵՆՊՐԵՍ: Արցախի Հանրապետության նախագահ Բակո Սահակյանը սեպտեմբերի 27-ին ընդունել է ամերիկահայ բարերար Վարդան Նազերյանին:
Ինչպես «Արմենպրես»-ին հայտնեցին Արցախի Հանրապետության նախագահի աշխատակազմի տեղեկատվության գլխավոր վարչությունից, քննարկվել են Արցախում մի շարք նախագծերի հետ կապված հարցեր:
Նախագահն Արցախում տարբեր ծրագրերի իրականացմանը գործուն մասնակցություն ունենալու համար Վարդան Նազերյանին պարգեւատրել է «Երախտագիտություն» մեդալով՝ հույս հայտնելով, որ նա նույն եռանդով կշարունակի իր հայրենանվեր գործունեությունը: