1 րոպեի ընթերցում
ԵՐԵՎԱՆ, 25 ՍԵՊՏԵՄԲԵՐԻ, ԱՐՄԵՆՊՐԵՍ: 78 տարեկան հասակում վախճանվել Է ամերիկացի երաժիշտ եւ բանաստեղծ, Grateful Dead ռոք-խմբի երգերի տեքստերի հեղինակ Ռոբերտ Հանթերը: Այդ մասին, ինչպես տեղեկացնում Է «Արմենպրես»-ը, հայտնել Է The Hollywood reporter հրատարակությունը՝ վկայակոչելով նրա ընտանիքի հայտարարությունը:
Մահվան պատճառը չի ճշտվում: Ինչպես գրում Է հրատարակությունը, «խաղաղությամբ հանգչել Է տանը՝ սիրով շրջապատված»:
Նրա կինը՝ Մորինը, եղել Է նրա կողքին:
Երաժշտի ընտանիքը դիմել Է երկրպագուներին եւ նրանց հորդորել՝ մխիթարվել նրանով, որ նրա երգերը մնում են մեզ հետ, ինչպես նաեւ մեջբերում Է արել բանաստեղծի բալլադներից մեկից. «Թող երգերը հագեցնեն օդը»: Grateful Dead խումբը հիմնվել Է 1965 թվականին եւ նշանակալի տեղ զբաղեցրել ամերիկյան մշակույթում: Հանթերը 1969 թվականից խմբի հետ սերտորեն համագործակցել Է 30 տարվա ընթացքում: Խումբը կազմացրվել Է 1995 թվականին՝ ֆրոնտմեն Ջերի Գարսիայի մահվանից հետո, հաղորդել Է ՌԻԱ Նովոստին: