1 րոպեի ընթերցում
ԵՐԵՎԱՆ, 24 ՍԵՊՏԵՄԲԵՐԻ, ԱՐՄԵՆՊՐԵՍ: Լևոն Արոնյանը կրկին ոչ-ոքի ավարտեց պարտիան աշխարհի գավաթի խաղարկությունում:
«Արմենպրես»-ի հաղորդմամբ` ռուսական Խանտի-Մանսիյսկ քաղաքում ընթացող գավաթի խաղարկության քառորդ եզրափակիչի երկրորդ պարտիայում Արոնյանը կրկին կիսեց միավորը ֆրանսիացի Մաքսիմ Վաշիե-Լագրավի հետ: Հաջորդիվ գրոսմայստերները կմրցեն արագ և կայծակնային շախմատում:
Հայաստանի չորս ներկայացուցիչներից պայքարը շարունակում է միայն Լևոն Արոնյանը: Աշխարհի գավաթի խաղարկությունն անցկացվում է նոկաուտ համակարգով՝ պարտվողը դուրս է մնում հետագա պայքարից: Խաղարկությանը մասնակցում է 128 շախմատիստ: Մրցակիցները նախ երկու պարտիա կխաղան դասական ժամակարգով: Հավասարության դեպքում կանցկացվեն արագ և կայծակնային պարտիաներ: Արոնյանն աշխարհի գործող գավաթակիրն է: