Հովհաննես Բաչկովն ապահովեց առնվազն բրոնզե մեդալ

ԵՐԵՎԱՆ, 18 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի բռնցքամարտի հավաքականի անդամ Եվրոպայի գործող չեմպիոն Հովհաննես Բաչկովն աշխարհի առաջնությունում ապահովել է առնվազն բրոնզե մեդալ:

«Արմենպրես»-ի հաղորդմամբ` 63 կգ քաշային մարզիկը հաղթեց ղազախ Սակեն Բիբոսինովին եւ դուրս եկավ կիսաեզրափակիչ։

Հայաստանի ներկայացուցիչներից քառորդ եզրափակիչում պարտություն կրեց 52 կգ քաշային Արթուր Հովհաննիսյանը։

Բռնցքամարտի աշխարհի այս առաջնությունը վարկանիշային չէ Օլիմպիական խաղերի համար: