ՀՀ ԱԺ նախագահը շնորհավորել է ՀՀ քաղաքացիներին Հայաստանի անկախության հռչակագրի 29-րդ տարեդարձի առթիվ
1 րոպեի ընթերցում
ԵՐԵՎԱՆ, 23 ՕԳՈՍՏՈՍԻ, ԱՐՄԵՆՊՐԵՍ: ՀՀ ազգային ժողովի նախագահ Արարատ Միրզոյանը շնորհավորել է ՀՀ քաղաքացիներին Հայաստանի Հանրապետության անկախության հռչակագրի ընդունման օրվա կապակցությամբ:
Ինչպես տեղեկացնում է «Արմենպրես»-ը, Միրզոյանը «Ֆեյսբուք»-ի իր էջում գրել է.
«Սիրելի հայրենակիցներ, 29 տարի առաջ այս օրը ՀԽՍՀ Գերագույն խորհուրդը, տրամաբանական հանգրվանի հասցնելով եռամյա համազգային շարժումը, ազդարարեց անկախ պետականության հաստատման գործընթացի սկիզբը։ Շնորհավորում եմ բոլորիս այս դարակազմիկ իրադարձության տարեդարձի առթիվ»: