1 րոպեի ընթերցում
ԵՐԵՎԱՆ, 21 ՕԳՈՍՏՈՍԻ, ԱՐՄԵՆՊՐԵՍ: Լոս Անջելեսի օպերան հայտարարել Է, որ շտապ կարգով «մանրակրկիտ ու անկախ» հետաքննություն Է սկսում իսպանացի օպերային երգիչ Պլաչիդո Դոմինգոյի նկատմամբ, որին մի քանի կանայք մեղադրել են սեռական ոտնձգությունների մեջ: Այդ մասին, ինչպես տեղեկացնում Է «Արմենպրես»-ը, հայտնել Է Los Angeles Times թերթը:
Հրատարակության տվյալներով՝ հետաքննության անցկացման համար Լոս Անջելեսի օպերան վարձել Է Gibson, Dunn & Crutcher ֆիրմայի փաստաբան Դեբրա Վոնգ Յանին, որն ավելի վաղ Կալիֆոռնիայի կենտրոնական օկրուգի ֆեդերալ դատախազն Էր: Նշվում Է, որ հետաքննությունը կսկսվի անհապաղ:
Ավելի վաղ ութ երգչուհիներ եւ մեկ պարուհի «Ասոշիեյթեդ Պրես» գործակալությանը հայտնել Էին, որ 1980-ական թվականներից տարբեր ժամանակներում Դոմինգոյի կողմից ենթարկվել են սեռական ոտնձգության: 78-ամյա Դոմինգոն ինքը հերքել Է բոլոր մեղադրանքները: Սան-Ֆրանցիսկոյի օպերան եւ Ֆիլադելֆիայի սիմֆոնիկ նվագախումբը չեղարկել են տենորի ելույթները, հաղորդել Է ՌԻԱ Նովոստին: