Գրոսմայստեր Արման Միքայելյանը երրորդն է Ռիգայում 

ԵՐԵՎԱՆ, 12 ՕԳՈՍՏՈՍԻ, ԱՐՄԵՆՊՐԵՍ: Գրոսմայստեր Արման Միքայելյանը Ռիգայի շախմատային միջազգային մրցաշարում զբաղեցրել է երրորդ հորիզոնականը:

«Արմենպրես»-ի հաղորդմամբ` Ռիգայի մրցաշարի վերջին` 9-րդ տուրում, Արման Միքայելյանը և Ռոբերտ Հովհաննիսյանը հաղթանակներ են տոնել:

Միքայելյանը 9 հնարավորից հավաքել է 7 միավոր և զբաղեցրել 3-րդ տեղը, Ռոբերտ Հովհաննիսյանը՝ 24-րդ՝ 6 միավորով:

Մրցաշարի հաղթողը Լատվիայից Իգոր Կովալենկոն է: