Փորձանմուշների հետազոտությունը ցույց է տվել՝ Սևանա լճի ինքնամաքրման գործընթացը շարունակվում է
1 րոպեի ընթերցում
ԵՐԵՎԱՆ, 16 ՀՈՒԼԻՍԻ, ԱՐՄԵՆՊՐԵՍ: Սևանա լճի 11 տարբեր տարածքներից վերցված ջրի փորձանմուշների հետազոտությունը ցույց է տվել, որ լճի ինքնամաքրման գործընթացը շարունակվում է:
«Արմենպրես»-ի հաղորդմամբ՝ այս մասին «Ֆեյսբուք»-ի իր էջում տեղեկացրել է ՀՀ առողջապահության նախարար Արսեն Թորոսյանը:
Ջրի փորձանմուշները վերցվել էին հուլիսի 15-ին:
«11 տարածքներից 2-ում դեռ առկա են չնչին շեղումներ նորմայից, սակայն նույնպես առաջիկա օրերին կգան նորմայի սահմաններ, քանի որ դրանց ինքնամաքրման դինամիկան արձանագրվել է մեր հետազոտություններով»,-նշել է նախարարը:
Թորոսյանը վստահեցրել է, որ հետազոտությունները կլինեն շարունակական, որոնց արդյունքների մասին իրենք լրացուցիչ կտեղեկացնեն: