Շարունակե՛ք փրկել կյանքեր. Արսեն Թորոսյանը ուղերձ է հղել Բուժաշխատողի օրվա կապակցությամբ
1 րոպեի ընթերցում
![Շարունակե՛ք փրկել կյանքեր. Արսեն Թորոսյանը ուղերձ է հղել Բուժաշխատողի օրվա կապակցությամբ](http://armenpress.am/resized/480/static/news/b/2019/06/979330.jpg)
ԵՐԵՎԱՆ, 21 ՀՈՒՆԻՍԻ, ԱՐՄԵՆՊՐԵՍ: Հայաստանի Հանրապետության առողջապահության նախարար Արսեն Թորոսյանը շնորհավորական ուղերձ է հղել Բուժաշխատողի օրվա կապակցությամբ: Ինչպես «Արմենպրես»-ին հայտնեցին ՀՀ առողջապահության նախարարությունից, ուղերձում, մասնավորապես, ասված է.
«Հարգելի բուժաշխատողներ,
Շնորհավորում եմ ձեզ մասնագիտական տոնի՝ Բուժաշխատողի օրվա կապակցությամբ: Բժիշկ լինելը առաջին հերթին առաքելություն է, ինչը հսկայական աշխատանք և նվիրում, բարձր պատասխանատվություն, հոգատարություն և հզոր ուժ է պահանջում:
Կյանքեր փրկելը հնարավոր է դառնում միայն քրտնաջան և անձնվեր աշխատանքի շնորհիվ, ինչի համար հաճախ լուռ, բայց գրեթե միշտ շնորհակալ են լինում:
Առողջությունը մարդու ամենամեծ հարստությունն է, և ձեր շնորհիվ է, որ կարողանում ենք պահպանել այն:
Ձեզ մաղթում եմ երկար, առողջ և բարեկեցիկ կյանք:
Շարունակե՛ք փրկել կյանքեր»: