«Ադեկվադ»-ի ղեկավար Արթուր Դանիելյանը բերման է ենթարկվել ոստիկանություն

ԵՐԵՎԱՆ, 10 ՀՈՒՆԻՍԻ, ԱՐՄԵՆՊՐԵՍ: «Ադեկվադ» կուսակցության առաջնորդ Արթուր Դանիելյանը հունիսի 10-ին բերման է ենթարկվել ոստիկանություն: «Արմենպրես»-ի հետ զրույցում լուրը հաստատեցին ՀՀ ոստիկանության լրատվության և հասարակայնության հետ կապերի վարչությունից:

«Դեպքի առնչությամբ նյութեր են նախապատրաստվում, գործողություններ են կատարվում»,-տեղեկացրին ոստիկանությունից: Դանիելյանըտարվել է ոստիկանության Կենտրոնի բաժանմունք:

Լրատվամիջոցները նշում են, որ Դանիելյանը հունիսի 9-ին ուղիղ եթերում սպառնալիքներ է հնչեցրել ՀՀ վարչապետի հասցեին: