Մեդինսկին պետական պարգեւներ Է հանձնել մշակույթի եւ արվեստի գործիչներին, այդ թվում՝ Գեորգի Իսահակյանին
1 րոպեի ընթերցում
ԵՐԵՎԱՆ, 25 ՄԱՐՏԻ, ԱՐՄԵՆՊՐԵՍ: ՌԴ մշակույթի նախարար Վլադիմիր Մեդինսկին պետական ու գերատեսչական պարգեւներ Է հանձնել մշակույթի եւ արվեստի գործիչներին, մասնավորապես, ռեժիսոր Ֆյոդոր Բոնդարչուկին, Սացի անվան թատրոնի գեղարվեստական ղեկավար Գեորգի Իսահակյանին, երգիչ Դիմա Բիլանին եւ մշակույթի այլ գործիչների: Այդ մասին, ինչպես տեղեկացնում Է «Արմենպրես»-ը, հայտնել Է ՌԻԱ Նովոստիի թղթակիցը:
Պարգեւատրման հանդիսավոր արարողությունը տեղի Է ունեցել Մշակույթի աշխատողի օրը Մեծ թատրոնի ատրիումում: Բարեկամության շքանշանով պարգեւատրել են Մոսկվայի Սացի անվան պետական մանկական երաժշտական թատրոնի գեղարվեստական ղեկավար Գեորգի Իսահակյանին: Ալեքսանդր Նեւսկու շքանշանին արժանացել Է կինոռեժիսոր Ֆյոդոր Բոնդարչուկը: «Ռուսաստանի Դաշնության վաստակավոր արտիստի» կոչումների են արժանացել Ռուսաստանի Մեծ թատրոնի բալետի արտիստուհի Աննա Նիկուլինան եւ երգիչ Դիմա Բիլանը: