ԵՄ-ն ՌԴ-ի դեմ նոր պատժամիջոցների վերաբերյալ որոշումը կընդունի առաջիկա շաբաթներին. Մոգերինի
1 րոպեի ընթերցում
![ԵՄ-ն ՌԴ-ի դեմ նոր պատժամիջոցների վերաբերյալ որոշումը կընդունի առաջիկա շաբաթներին. Մոգերինի](http://armenpress.am/resized/480/static/news/b/2019/02/964641.jpg)
ԵՐԵՎԱՆ, 18 ՓԵՏՐՎԱՐԻ, ԱՐՄԵՆՊՐԵՍ: Եվրամիությունը Կերչի նեղուցի իրադարձությունների համար Ռուսաստանի նկատմամբ նոր պատժամիջոցների վերաբերյալ միաձայն որոշում կընդունի առաջիկա շաբաթներին: Այդ մասին, ինչպես տեղեկացնում Է «Արմենպրես»-ը, փետրվարի 18-ին հայտարարել Է Եվրամիության արտաքին գործերի եւ անվտանգության քաղաքականության գերագույն ներկայացուցիչ Ֆեդերիկա Մոգերինին՝ ժամանելով Բրյուսել, որտեղ նա մասնակցելու Է Եվրամիության արտաքին գործերի նախարարությունների ղեկավարների հանդիպմանը:
«Առաջիկա շաբաթներին ԵՄ-ն Կերչի նեղուցի իրադարձությունների համար միաձայն որոշում կընդունի նոր պատժամիջոցների վերաբերյալ»,-հայտարարել Է նա: Եվրոպական աղբյուրների տվյալներով, խոսքը ԵՄ-ի սեւ ցուցակում ութ մարդու մտցնելու մասին Է, հաղորդել Է ՏԱՍՍ-ը: