Կառավարությունը դիտարկում է ընտանիքի փոխարեն երեխային նպաստառու դարձնելու հնարավորությունը
1 րոպեի ընթերցում
ԵՐԵՎԱՆ, 13 ՓԵՏՐՎԱՐԻ, ԱՐՄԵՆՊՐԵՍ: ՀՀ կառավարությունը դիտարկում է ընտանիքի փոխարեն երեխային նպաստառու դարձնելու հնարավորությունը:
«Արմենպրես»-ի փոխանցմամբ՝ այս մասին փետրվարի 13-ին Ազգային ժողովում կառավարության ծրագրի քննարկման ընթացքում ասաց ՀՀ վարչապետ Նիկոլ Փաշինյանը՝ պատասխանելով պատգամավորների հարցերին:
«Մենք հիմա ընտանեկան նպաստ տալիս ենք այն ընտանիքներին, որտեղ երեխաներ կան, բայց, երբ ընտանիքի հայրը սկսում է աշխատել և որոշակի եկամուտներ ձեռք բերել, մեր առաջին ռեակցիան լինում է այն, որ այդ ընտանիքին զրկում ենք նպաստից: Հիմա աղքատության հաղթահարման և հասցեականությունն ավելացնելու տրամաբանության մեջ դիտարկում ենք հետևյալ համակարգը ունենալու հավանականությունը. կարծում եմ, որ կարևոր լուծումներից մեկը կարող է լինել այն, որ մենք նպաստառու դարձնենք երեխային»,- ասաց Փաշինյանը:
Վարչապետը նշեց, որ երեխային նպաստառու դարձնելով՝ կբարձրանա նրա ֆունկցիոնալ դերը, որը ինչ-որ առումով խթան կհանդիսանա ծնելիության աճի համար: