1 րոպեի ընթերցում
ԵՐԵՎԱՆ, 4 ՓԵՏՐՎԱՐԻ, ԱՐՄԵՆՊՐԵՍ: Իշխող կուսակցության խորհրդարանական խմբակցության ղեկավարը հնարավոր է համարում այս շաբաթՀՀ կառավարության ծրագրի քննարկումըԱզգային ժողովում:«Արմենպրես»-ի հաղորդմամբ՝ լրագրողների հետ զրույցում«Իմ քայլը» խմբակցության ղեկավար Լիլիթ Մակունցընշեց, որ առաջիկայում հարցի քննարկման համար բոլոր նախադրյալները կան:
«Կառավարության ծրագիրն այս շաբաթ արդեն կքննարկենք... Ենթադրում եմ, բոլոր նախադրյալներն արդեն կան, որ կարողանանք քննարկել»,-ասաց Մակունցը:
Նա շեշտեց, որ հստակ օր չի կարող նշել: Մակունցը նաև նշեց՝ չի կարող ասել, թե ծրագիրն ինչ տեսք կունենա, սակայն Ազգային ժողովի հանձնաժողովներն իրենց դիտարկումները կներկայացնեն տարբեր ուղղություններով:
Կառավարության ծրագրին հավանություն տալու հարցն ընդգրկված է 7-րդ գումարման Ազգային ժողովի առաջին նստաշրջանի օրակարգում: Նոր կառավարությունը ձևավորվել է 2018թ. դեկտեմբերի 9-ին կայացած արտահերթ խորհրդարանական ընտրություններից հետո՝ 2019թ. հունվարի 19-ին: