1 րոպեի ընթերցում
ԵՐԵՎԱՆ, 25 ՀՈՒՆՎԱՐԻ, ԱՐՄԵՆՊՐԵՍ: Հայկական շախմատի առաջատար Լևոն Արոնյանը և Հրանտ Մելքումյանը շարունակում են ելույթները Ջիբրալթարի միջազգային մրցաշարում:
«Արմենպրես»-ի հաղորդմամբ` մրցաշարի երրորդ տուրում Արոնյանի մրցակիցը իսպանացի Խիմեն Կուենկան էր: Պարտիայի 52-րդ քայլում Արոնյանը ստիպեց մրցակցին անձնատուր լինել: Այս տուրում միավոր կիսեց Հրանտ Մելքումյանը, իսկ Էլինա Դանիելյանը պարտություն կրեց:
Այժմ Արոնյանը և Մելքումյանը կեսական միավոր են զիջում առաջատարներին և ունեն 2,5-ական միավոր:
Ջիբրալթարի միջազգային մրցաշարին մասնակցում է 250 շախմատիստ: Մրցանակային ֆոնդը կազմում է 25 000 եվրո: Այն կտևի հունվարի 22-31-ը: