Սմբատ Լպուտյանի կարծիքով՝ շախմատի Հայաստանի առաջնությունը մեծ հետաքրքրություն է առաջացրել ամբողջ աշխարհում
1 րոպեի ընթերցում
ԵՐԵՎԱՆ, 11 ՀՈՒՆՎԱՐԻ, ԱՐՄԵՆՊՐԵՍ: Հայաստանի շախմատի ֆեդերացիայի առաջին փոխնախագահ Սմբատ Լպուտյանի կարծիքով՝ Հայաստանի առաջնությունը մեծ հետաքրքրություն է առաջացրել ամբողջ աշխարհում։
«Շախմատի Հայաստանի տղամարդկանց և կանանց առաջնությունները շատ գրավիչ են դարձել ոչ միայն մեր երկրի, այլևս ամբողջ աշխարհի համար, քանի որ շատ հավասար կազմ ենք հավաքում: Միշտ էլ դժվար է կանխագուշակել, թե ով կհաղթի առաջնությունում»,-«Արմենպրես»-ի հաղորդմամբ` ասաց Լպուտյանը:
Լպուտյանը բոլոր մասնակիցներին հաջողություն մաղթեց։
Հայաստանի տղամարդկանց և կանանց առաջնությունների վիճակահանությունն արդեն կայացել է, և անդրանիկ տուրը կկայանա հունվարի 12-ին։