Հրանտ Մելքումյանը 8-րդն է Լոնդոնի մրցաշարում

ԵՐԵՎԱՆ, 17 ԴԵԿՏԵՄԲԵՐԻ, ԱՐՄԵՆՊՐԵՍ: Շախմատի Հայաստանի տղամարդկանց թիմի անդամ Հրանտ Մելքումյանն ավարտեց ելույթները Լոնդոնի մրցաշարում:

«Արմենպրես»-ի հաղորդմամբ` ՖԻԴԵ-ի լոնդոնյան դասական բաց մրցաշարի վերջին տուրում Մելքումյանը կիսեց միավորը հակառակորդի հետ: 9 հնարավորից հավաքելով 6,5 միավոր՝ հայ գրոսմայստերը գրավեց 8-րդ տեղը:

Մրցաշարի հաղթողներ դարձան Ֆրանսիայի և Անգլիայի ներկայացուցիչները:

Վարվառա Հայրապետյան