«Դեղին բաճկոնավորները» պատրաստվում են նոր ցույցեր անցկացնել Ֆրանսիայի ողջ տարածքում

ԵՐԵՎԱՆ, 15 ԴԵԿՏԵՄԲԵՐԻ, ԱՐՄԵՆՊՐԵՍ: «Դեղին բաճկոնավորներ»-ի շարժման ակտիվիստները պատրաստվում են նոր ցույցերի Ֆրանսիայի ամբողջ տարածքով: Ինչպես հաղորդում է «Արմենպրես»-ը՝ հղում կատարելով ՏԱՍՍ գործակալությանը, շաբաթօրյա հերթական բողոքի ակցիաները կդառնան 5-րդ խոշոր միջոցառումը նոյեմբերի 17-ից սկսած:

Ֆրանսիան դեռ չի մոռացել նախորդ շաբաթ տեղի ունեցած իրադարձությունները:

«Ես չէի ցանկանա նորից տեսնել այն, ինչ տեղի ունեցավ նախորդ շաբաթ»,-ասել է քաղաքական գործիչ Ալեն Ժյուպեն, ով գլխավորում է Բորդոյի քաղաքապետարանը: Այնտեղ դեկտեմբերի 8-ին տեղի ունեցան փողոցայի անկարգություններ:

Վառելիքի գների բարձրացման դեմ «Դեղին բաճկոնավորներ»-ի շարժումը Ֆրանսիայում սկսվել է նոյեմբերի 17-ին: Այն ուղղված է վառելիքի գնի թանկացման դեմ:

Շարժման ներկայացուցիչներին չի բավարարել Ֆրանսիայի վարչապետ Էդուար Ֆիլիպի առաջարկը՝ կապված վառելիքի գների վրա մորատորիում սահմանելու հետ: