1 րոպեի ընթերցում
ԵՐԵՎԱՆ, 30 ՆՈՅԵՄԲԵՐԻ, ԱՐՄԵՆՊՐԵՍ: «Եվրատեսիլ 2019» երգի միջազգային մրցույթում Հայաստանը կներկայացնի երիտասարդ երգչուհի Սրբուհի Սարգսյանը:
«Արմենպրես»-ի հաղորդմամբ՝ այս մասին Հանրային հեռուստատեսությամբ հեռարձակվող «Լավ երեկո» հաղորդման ընթացքում հայտնեցին հաղորդավարներ Արամ Mp3-ն և Գարիկ Պապոյանը:
«Եվրատեսիլ 2019»-ը կանցկացվի Իսրայելում:
Հայաստանը «Եվրատեսիլ» երգի միջազգային մրցույթին մասնակցում է 2006 թվականից:Մեր առաջին ներկայացուցիչը եղել էԱնդրեն: Մեր երկիրը հեղինակավոր մրցույթում ներկայացրել են Հայկոն, Ինգա և Անուշ Արշակյանները, Եվա Ռիվասը, Սիրուշոն, Էմմին, Արամ Mp3-ն, «Դորիանս» ռոք խումբը, «Genealogy» նախագիծը, Իվետա Մուկուչյանը, Արծվիկը, Սևակ Խանաղյանը: